大熱天時，家中長輩又話唔想飲水？頂多飲一兩啖就話夠？ 入夏喇！三十幾度高溫，做照顧者嘅你，係咪每日都重覆緊呢場「飲水攻防戰」？ 🗣️「飲多杯水啦！」 👵🏼「唔渴呀，唔飲！」 🗣️「咁熱會中暑呀！」 👵🏼「得喇得喇……」但最後都係滴水不沾...... 好多時，我哋會覺得長輩「硬頸」。但對抗嘅背後，其實隱藏住佢哋講唔出嘅無奈，同埋身體上嘅真正需要！ 今日同大家拆解，長輩唔願飲水嘅 3 大隱形原因： 1️⃣ 「廁所焦慮」 🚌🚽 出街搭搭下車想去廁所點算？去到商場搵唔到廁所點算？長輩為咗唔想「製造麻煩」或者失禁尷尬，最直接嘅做法，就係由源頭截斷——索性唔飲水。 2️⃣ 活動量變少 🪑 長者日常活動量減少，新陳代謝減慢。身體對水分的需求感，確實比生生猛猛嘅後生仔低，所以佢哋真係「唔覺渴」。 3️⃣ 「口渴感」遲鈍咗 🧠⚠️ 呢點最重要！隨著年紀增長，長者嘅大腦中樞對「口乾」嘅感覺同認知會逐漸減退。換句話說：佢唔係硬頸，而係佢個大腦真係收唔到「我口渴」嘅訊號！ 🚨 唔飲水，後果可以好嚴重！ 長輩一旦脫水，唔止係口乾咁簡單，仲會引發一連串