【🛁長者對沖涼感到抗拒？背後的心聲與解決方案🧐】
9月22日
讀畢需時 1 分鐘
你屋企嘅長者一聽到「去沖涼啦」就皺晒眉？😣
好多時佢哋唔係懶，亦唔係唔想乾淨，而係心入面浮起幾句：
「點解又係你話事...？」🤨
「我仲有冇得揀...？」🫤
「點解成日催我...？」😮💨
長者最怕嘅，其實未必係天氣凍❄️
天氣凍，一個浴室寶就搞掂，
佢哋怕既好可能係 被安排、被命令、被催促。
佢哋唔係反叛，只係想保持少少作為成年人嘅「自主感🧡」
「幾時沖涼」係佢地其中一個可以話事嘅 moment 🕰️
⭕從照護角度睇，長者即使唔係每日沖涼，都未必對身體造成好大影響 🚿🙂
但如果佢哋覺得自己 失去自主，就會影響同照顧者嘅關係 💔
亦會大大影響之後嘅照顧配合度同照顧品質 ——呢個先係真正嘅長遠風險⚠️
所以試下將「命令句」➡️「選擇題」👇
❌「去沖涼啦。」
✔️「你想而家沖，定係食完飯先沖？」
俾選擇＝俾尊重＝俾自主 🌈
當長者覺得自己仲有得揀，抗拒自然會少好多。
你會發現——佢哋其實願意去做，只係唔想被迫。
尊重佢哋嘅節奏，照顧就會變得更輕鬆、更溫暖 ❤️
長者唔願沖涼，除左上面所講嘅，其實仲有其他原因❗
請留意下回分享😉
🔸更多有關我們的服務：請按此
🔸社交平台：
※本文圖片及內容未經許可請勿擅自轉載。如需轉載或合作，請聯繫我們。
留言